فایدالی سوزلر ( اول بولوم ) اول قسمت

 

شیطان دئیه لای لای بیرین، دوردورابلمز

بیچاره آتا ،هی چئغرا ، فایداسی یوخدو

هرکیمسنی سیز،ایلمرون گله ی چوپان

قوللوق ایلمه هرتولویا، فایداسی یوخدو

تندیر اودو که،قیشدا اونون ائسسی اولسون

حسرت قالا تندیر ایشینه، فایداسی یوخدو

حق سوز آجیدی،سعی ایله چوخ یرده دانیشما

کور شخصه،بیری آینا ساتا فایداسی یوخدو

سندر ا’زووی،تاچاتاسان عرش اعلایه

هی سندراسان آینا،بالا فایداسی یوخدو

افزارنی چک، قویما قاچانفسوی،دویدم

طغیان ایلیوب ورسا داشا،فایداسی یوخدو

خلقه دانیشاندا سوزووین فایداسی اولسون

سوزدن عزیزیم،شر’ یاغا، فایداسی یوخدو

گوز یاشنه انسان اولا مرحم،نه گوزلدی

بیر آش گوره سن سانجلادا ، فایداسی یوخدو

گوردون که آجوننان اولوسن،ا’ل ، ال آچما

اول کیمسینه که طعنه وورا،فایداسی یوخدو

سیل جانوی سالسا خطره،الله آ  یالوار

ایسلانما گلن یل قووانا،فایداسی یوخدو

سعی ایله ائشیت یاخشی سوزو،یاخشی آدامنان

باش قوشما گلن قشقرانا،فایداسی یوخدو

حرمت ایله اوز یارووا،قویما کوسه سندن

باخما کوچه ده قاش آتانا،فایداسی یوخدو

زیخدان یارادیب انسانی اولده،الهی

ایندی ایلمه ناز و ادا ، فایداسی یوخدو

خالص اولا انسان گرک ، دینیله ایمان

قاتسان دینی مال ومناله،فایداسی یوخدو

الله یله ائمرودکئمی،ایلیه دعوا

باشون دره الحد داشینا،فایداسی یوخدو

قوردون دئییبلر،سلامی بیر طاماه اولماز

آللانما گلن هرسلاما ، فایداسی یوخدو

آزادلیغین درسین،گئدیب ا’رگن،شه جدادن

گئتمه بالا آیری کلاسا،فایداسی یوخدو

چوخلاری شهید اولدو فقط الله آ خاطر

یازدیماگلان اوز آدووا،فایداسی یوخدو

ظالم قاباغیندا قیزاریب،یاخشیدی اولمک

ا’ننان که قالیب هی سارالا،فایداسی یوخدو

هر کس گئده ایلده مشده - کرب وبلایه

الله سوزودی ، بی نمازا،فایداسی یوخدو

هی هر گولو دریب ایرلمک اولماز،متکلم

بیر گول چیخا کولوکده آچا، فایداسی یوخدو

ا’ویس گئدیب گورمدی مختاری،قییتدی

چون بولدی،عمل ایلمسه عهده وفا،فایداسی یوخدو

الله اوزو،بو برزگری ، ایلیه تشویق

هر کیمسه گلیب فشقا چالا،فایداسی یوخدو

          تاریخ ثبت 10 / 12 /90  شمسی

 

 

 

 

/ 0 نظر / 9 بازدید