اینجیمه سین عنوان شعری به زبان ترکی

ائلدار  اولسان  ایله گز که

ائللر سندن  اینجیمه سین

سونا  اولسان ایله اوزکی

گللر سندن ایجیمه سین

 

قیشدا کچر دونر یازا

بلبل گلر خوش آوازا

مضرابی ایله چک سازا

تئللر سندن اینجیمه سین

 

بوستانی شوخ ساخلار وری

آروادی دا  ساخلار  اری

قار اولساندا  ایله اری

سیللر سندن اینجیمه سین

 

هر یتنه  آتما  اوخو

جهد ایله بیر یووا توخو

بلبل اولسان ایله اوخو

گوللر سندن اینجیمه سین

 

یارا  وورسا یاردا یارا

روزگاری اولار  قارا

داراخ  اولسان  ایله دارا

تئللر سندن اینجیمه سین

 

زورون  اولسا مظلوم  ازمه

آغلادیب گوزیاشین سوزمه

عاجزلره  دوداق  بوزمه

شیلر  سندن اینجیمه سین

 

نادری  حقی ده اوزه

بیرده دمک اولماز یوزه

توپراق اولسان دولما گوزه

یئللر سندن اینجیمه سین

 

 

/ 0 نظر / 8 بازدید